Die trieks en slenters waarmee die Guptas dermiljoene se vuil geld skoongemaak het

DIÉ geldwassery het skynbaar lustig voortgegaan terwyl die Guptas geld gemaak het uit Eskom en Transnet of verdagte staatsprojekte. Maar daar was ’n spoor, en Paul Holden, ’n onafhanklike ondersoeker van die nieregeringsorganisasie Shadow World Investigations, het eers die #GuptaLeaks-boodskappe en maatskappyrekords en later die bankstate wat die Nasionale Vervolgingsgesag kon kry, gefynkam – en gewys dat as jy mooi kyk, die vuilheid steeds aan die geld vasklou.

Die afgelope week het Holden aan die Zondo (https://www.vryeweekblad.com/mense-en-kultuur/2020-11-26-adjunk-hoofregter-raymond-zondo-van-arm-seuntjie-tot-regter-reus/)-kommissie na staatskaping verduidelik hoe die berugte Gupta-familie se gesofistikeerde internasionale geldwasskema gelyk het. 

Met welbekende tegnieke soos om geld om die wêreld te stuur, net om dit dan weer terug te bring na die oorspronklike bankrekening (“Om na meer te lyk, my kind”), en “smurfing”, waar ’n groot bedrag in kleiner bedrae verdeel word om minder verdag te lyk, kon die Guptas hulle eie bankrekening vir lank volstop...