Norma Gigaba: van spogtroue tot tronksel – en tóé brand die ...

MEVROU GIGABYTE

Norma Gigaba: van spogtroue tot tronksel – en tóé brand die waarheid los

Toe die vervreemde vrou van Malusi Gigaba die geheime oor haar man en die Guptas begin uitlap het – eers op televisie en toe voor die Zondo-kommissie – was dit witwarm lawa uit 'n vulkaan van woede, skryf ANNELIESE BURGESS.

NORMA Gigaba se eerste “eksklusiewe" televisie-onderhoud is in Mei 2017. Dit is drie jaar ná haar spogtroue met Malusi Gigaba (wat sy eerste vrou vir Norma gelos het). Dit is ook vyf weke ná haar man se onverwagse aanstelling as minister van finansies. En 'n week ná nóg 'n openbare skermutseling met haar man se minnares, Buhle Mkhize (sy het haar 'n prostituut en 'n “teef met grimering" genoem en Mkhize het op haar beurt weer gedreig om meer te vertel oor “Mauritius" en die Guptas se privaat straler waarmee sy na 'n afspraak met Gigaba in Durban gevlieg het).

Mevrou Gigaba giggel sjarmant deur die onderhoudvoerder se stroperige inleiding en sê sy't haar man vergewe vir sy buite-egtelike verhouding en met Mkhize afgereken, want niemand “vat nie aan my familie nie". 

Gigaba vertel hoe sy deur Bill Gates geïnspireer is om tegnologie te gaan studeer, maar dat sy nie gehou het van die oorpakke wat 'n IT-spesialis sou moes dra nie en toe 'n bykomende diploma in grafiese ontwerp bekom het. “Something more fancier," verduidelik sy, wat haar sou toelaat om in die IT-wêreld te bly, maar meer van 'n lady te kon wees. ..

Slegs Vrye Weekblad-intekenaars kan hierdie artikel lees.

Teken nou in vir volle toegang tot alle Vrye Weekblad-inhoud. Daar is ’n spesiale tarief vir pensioenarisse.

Reeds ’n intekenaar? Kliek “Meld aan” om voort te gaan

Het jy ’n intekenbewys? Gebruik dit nou.

Vrae of probleme?
E-pos hulp@vryeweekblad.com of skakel 0860 52 52 00.

X