UIT DIE ARGIEF

Die siel van die man in die Casspir

Met die onrus van die laat 1980's en vroeë 1990's was die omstandighede baie anders as met die onlangse plundering en geweld, maar veral vir polisielede is daar is ook baie ooreenkomste. Vir Vrye Weekblad se uitgawe van 2 September 1993 het LOUIS KIRSTEIN lede van die polisie se Afdeling vir Binnelandse Stabiliteit ontmoet wat patrollies in die townships gedoen het. Hy het die manne se kwesbare sy ontdek. ‘Van buite sien jy net 'n pantservoertuig op patrollie,' skryf hy. ‘Maar binne-in sit mense. Hulle dra uniforms en hulle Iyk vol bravade. Daar waar hulle werk, sien die mense hulle meestal as die vyand.’