‘Kom ons maak huis skoon!’ sê onafhanklike kandidaat Ruben Richards

HY wil eintlik net boer en boeke skryf, vertel dr. Ruben Richards oor Zoom vanaf sy plaas, Twee Riviere, buite Citrusdal. 

Hy het dieselfde warmte wat ek onthou van die Waarheid-en-versoeningskommissie toe ek 'n jong verslaggewer daar was en hy die uitvoerende sekretaris wat die hele operasie geolie moes hou. In die jare tussen toe en nou het Richards agt boeke geskryf, die Skerpioene help stig, talle invloedryke sakeposisies beklee en vir die laaste 10 jaar aan die hoof van 'n stigting gestaan wat baanbrekerswerk gedoen het en steeds doen om “heling en herstel in getraumatiseerde gemeenskappe te bewerkstellig".

Met al hierdie dinge, en 'n groot sitrus-en-groenteboerdery wat 250 mense in diens het, vra ek hoe hy die tyd en lus het om homself in die plaaslike politiek te begewe...