DIE naaste wat hy aan 'n regte kantoor het, is sy huis se stoep, vertel Herman Mashaba my oor die foon toe ons voor die tyd reëlings tref om mekaar te ontmoet. Maar ek kan na sy ou kantoor in Sandton kom wat nou sy vrou s'n is.

Vir 'n man wat 'n paar maande gelede nog die burgemeester van Johannesburg was (met burgemeesterskamers, wat nog te sê 'n kantoor), moet dié nogal 'n aanpassing wees, sê ek toe ek gaan sit by die klein tafeltjie in 'n klein kantoortjie met 'n paar beskeie Makro-styl swart leerkantoorstoele. “Glad nie, sê Herman met 'n vet glimag, “dis lekker. Ons hou baie goeie meetings op my huis se patio."

Hy dra 'n appelkooskleurige kortmoulinnehemp en in lewende lywe lyk hy ten minste 10 jaar jonger as sy 67-jaar...