Boris Johnson: ’n Verhaal van leuens, ’n alewige gefuif, en smet

BAAI-BAAI BORIS?

Boris Johnson: ’n Verhaal van leuens, ’n alewige gefuif, en smet

Al het ’n uitdagende Boris Johnson aangekondig hy gaan bedank, weier hy om Downingstraat 10 tot die aanbreek van die Europese winter te verlaat. Hy is in ’n swak posisie, maar moenie verwag hy gaan die duur en nuwe goue muurpapier gewillig van sy mure afstoom nie, skryf ADRI KOTZÉ.

DIT is gepas dat Boris Johnson se aankondiging dat hy as Britse premier gaan bedank morsig, uitdagend, sonder grasie en aan die einde van ’n week van onthullings oor Tory-smetterigheid gekom het. Soos sy premierskap was dit toondoof en minagtend. Al waarin Boris Johnson belangstel, is Boris Johnson. En mag. 

Soos Dominic Cummings, sy voormalige raadgewer wat dalk die binnekamers van Johnson se politieke instink en styl die beste ken, in reaksie gesê het: Hy blameer almal behalwe homself vir sy ondergang, dink hy is eintlik die slagoffer, en skep reeds ’n verhaal van verraad wat hy in die toekoms by die Konserwatiewe Party se konferensies en in koerantrubrieke kan gebruik. (Dis die einste Cummings wat Johnson gehelp het om die Brexit-referendum te wen en hom in Downingstraat 10 ingehelp het.)

Al het Johnson die hele week vasgeskop en teen die wense van sy magtigste kabinetslede aan sy posisie probeer klou, was daar op die ou einde een skandaal en een toesmeerdery te veel – en toe dit aan die lig kom dat hy vir sy eie parlementslede gelieg het oor wat hy in 2019 geweet het van die seksuele misdrywe van die LP Chris Pincher toe hy hom as adjunksweep aangestel het, het hulle in strome begin bedank. (’n Dronk Pincher het verlede week weer twee mans in ’n klub seksueel geteister.)..

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.