Dahlias is my heilige blom

Goeiemôre

Die oggend vloei soos gebreekte eiergeel oor die golwende loof van die Kwelera Botaniese tuin. 'n Walvis slaan die water uitbundig met sy stert. Drie keer ná mekaar. 'n Kanovaarder flits verby – 'n skelrooi splinter op 'n ysterblou see. Die kwikstertjies het 'n nes gebou in die groot blombak. Daar is drie kleintjies.

Die grond is nat onder my voete. Dit het gisteraand swaar gereën. Die laaste pronkertjies se koppe hang swaar van vog. Die papawers is ook dronkgeslaan. Die selfsaai-jakobregops kyk minagtend neer op dié brose snowflakes van die blomtuin – insluitend die skaam pers kosmos...