Twee ingewings-van-die-oomblik en ’n WhatsApp-gesprek oor ’n nuwe begin

Goeiemôre

Ek word wakker in 'n gastehuis in Melville in Johannesburg. Die krag is af. Ek soek dringend koffie. Covid se stempel is duidelik op Sewende Straat afgedruk. Dit voel soos Mogadishu en ruik na urine en jasmyn. Daar's nêrens meer 'n lekker brekfis-plek nie. Ek kap links in die rigting van waar ek die vorige dag 'n oorlewende restaurant gewaar het.  

Oorkant is 'n tatoeëerplek. Ek stap op die ingewing van die oomblik in. Die man agter die toonbank gee vir my 'n stuk papier en sê ek moet die woorde wat ek op my arm wil laat brand neerskryf, dan kry hy alles reg. Ek gaan eet iets by Picobella. Die sous oor die eiers is beslis nie hollandaise nie. ..

Deel