Ons is (nog) nie in die hel nie: ‘In ’n land sonder voëls’ en ...

DISTOPIE

Ons is (nog) nie in die hel nie: ‘In ’n land sonder voëls’ en ‘Wonderboom’

Ons lees distopiese romans omdat ons op enigiets anders as ons eie desperate posisie wil fikseer, skryf DEBORAH STEINMAIR na aanleiding van Harry Kalmer se nuwe boek, In ’n land sonder voëls. Dit voer haar terug na Wonderboom – Lien Botha se “gotiese road trip” wat soos ’n nagmerrie by jou bly spook – en sy wonder of ons wêreld werklik so baie van die fiktiewes in boeke verskil.

WAAROM is lesers en kykers so lief vir apokaliptiese en distopiese milieus – stories oor die tydperk ná ’n kernoorlog of katastrofiese gebeurtenis, of oor ’n verbeelde toekomstige samelewing waar geweldige lyding en ongeregtigheid heers? Dink Mad Max, The Hunger Games en alles tussenin, dink Margaret Atwood se The Handmaid’s Tale en Oryx and Crake.

Utopie het nog nooit bestaan nie, behalwe as ’n mens glo in Adam en Eva vóór die appel en slang. Ons leef met ’n helse lot pyn in hierdie land, ja, en so ook mense oor die aardbol heen. Ons lewe is net-net buite beheer en ons ontvlug met voorskrifmedikasie, kos, drank, TV-reekse en katastrofeliteratuur. In Don DeLillo se wonderlike roman White Noise het die gesin graag saans op TV gekyk na natuurrampe, ongelukke en oorloë – hoe erger hoe beter – solank dit aan die uithoeke van die aarde gebeur, ver van waar hulle is. Toe sinkgate oornag huise in Westdene ingesluk het, het ’n vriendin se oupa vir haar pa gevra: “My kindjie, is ons ver genoeg?”

Daar was al ’n hele paar distopiese romans in Afrikaans: P.J. Haasbroek se Oemkontoe van die nasie, Koos Kombuis se Hotel Atlantis en Raka die roman, Jaco Botha se Miskruier, Eben Venter se Horrelpoot, Louis Krüger se Wederkoms, Lien Botha se Wonderboom en Deon Meyer se Koors, om maar ’n paar te noem...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.