Black Sash: Ná 60 jaar steeds ’n kampvegter vir maatskaplike geregtigheid

“DIE krag van die Black Sash is dat dit deur vroue gestig is en vroue het fantastiese mag as hulle saamwerk," sê Mary Burton in ’n gesaghebbende stemtoon. 

In 1955 het ses middelklasvroue die Black Sash tot stand gebring om vir geregtigheid te veg in ’n tyd toe apartheidswette die lewe van swart Suid-Afrikaners in stukke geskeur het. 

“Die kantore waar ons raad gebied het, was ’n miernes van bedrywighede," vertel Burton oor die laat 1950's. By dié kantore het regsassistente raad aan mense gebied wat paswette beveg het...