Korrektiewe dienste: R1.8 biljoen se e-toestelle verrot in store

DIE departement van korrektiewe dienste het glo bykans R2 biljoen bestee aan 'n program om gevangenes op parool met elektroniese moniteringsbande toe te rus, maar dié toestelle lê ongebruik in 'n stoorkamer omdat hulle glo net in Israel reggemaak kan word.

Dit was een van die departement se mees ambisieuse projekte, en daar is gehoop dat 10,000 gevangenes op parool uiteindelik elektronies geëtiketteer sou word om sodoende te keer dat hulle weer oortree.

Korrektiewe dienste het etlike jare lank voorgegee dat dié program 'n groot sukses was en 'n nuwe fase sou inlui in die hantering van gevangenes wat op parool vrygelaat word. Hulle het kort-kort die parlement meer geld daarvoor gevra...