Amperse gunfight at the OK Scheepers

DIT het gevoel soos ’n Wilde Weste-fliek: bekommerde, biddende inwoners wat hul besighede sluit, die koshuiskinders huis toe stuur en agter geslote deure skuil. En op die seisoen se warmste dag tot dusver kom hulle oor die stowwerige vlaktes via padblokkades aan – taxi’s, bakkies, busse, bikes, helikopters en ligte vliegtuie, gevul met mans en vroue wat ’n last stand gaan maak, asook heethoofde wat selfs meer hitte beloof.

Senekal is vandag, nogal op die VN se Wêreldvoedseldag, die ontmoetingspunt van als wat Suid-Afrika verdeel.

Die sheriff, polisieminister Bheki Cele, is in die dorp, oftewel hy en ’n peloton polisielede tot die tande bewapen en gepantser, met splinternuwe onlustevoertuie en ’n reusagtige mobiele aanklagkantoor wat regstaan vir cowboys, crooks en Covid-maskerloses. Die Staat gaan nié geïntimideer word nié, en so ook nie die uiteenlopende groepe betogers nie – die slagordes is opgestel...