Nuwe verslag bewys hoe vrot plaaslike regering werklik is ...

MUNISIPALE OUDITS

Nuwe verslag bewys hoe vrot plaaslike regering werklik is ...

Hoe weet ’n mens iemand is keelvol? Die titel van ’n verslag lui: “Nie veel wat rondgaan nie, tog is die verkeerde hande by die kasregister.” Dis hoe Kimi Makwetu, ouditeur-generaal van Suid-Afrika, die oudit-uitkomste vir plaaslike regerings in sy nuutste jaarlikse verslag beskryf. JACO VISSER het gaan kyk hoe munisipaliteite gevaar het.

DIS nie aldag dat ’n bewaker van sekere grondwetlike funksies – in hierdie geval die staat se vermoë en verpligting om goeie waarde vir geld te lewer – hom so sterk uitspreek teen die institusionele verval in ’n sekere sfeer van die regering nie. Nogtans het Kimi Makwetu, ouditeur-generaal (OG) van Suid-Afrika, nie doekies omgedraai in sy laaste verslag rakende die stand van munisipaliteite se finansies nie.

“Fondse ter waarde van biljoene wat aan munisipaliteite toegewys is, word op wyses bestuur wat teen die voorskrifte van algemeen aanvaarde rekeningkundige dissiplines indruis,” skryf hy in sy voorwoord tot die Gekonsolideerde Algemene Verslag van Plaaslike Regering se Oudit-uitkomste wat vroeër die week uitgereik is.

“In sommige gevalle doen dié wat verantwoordelik is vir die deursigtige bestuur van hierdie hulpbronne dit nié terwyl ordentlike oorsig oor dié misstappe nie voltrek word nie. Dit veroorsaak baie swak verantwoordbaarheid en die gevolglike blootstelling tot misbruik van die openbare beursie. Daar is beperkte hulpbronne oor al die provinsies heen, maar geen ordentlike sorg word toegepas dat dit naarstiglik bestuur en bestee word nie.”..

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.