Zuma se botsing met die Grondwet was onvermydelik

DIE bloedige aanval op die Amerikaanse wetgewende gesag op 6 Januarie was die onvermydelike gevolg van Donald Trump se narsisme en minagting van die demokrasie, en dit sal altyd boaan die lys wees as die geskiedenis sy nalatenskap beoordeel.

Jacob Zuma se basiese instinkte en optrede as 'n opper-hoofman eerder as 'n president van 'n demokratiese regstaat moes al op 18 Desember 2017 vir ons gesê het dit gaan in rampspoed (en waarskynlik die tronk) eindig.

Sy huidige brutale uitdaging van die oppergesag van die reg om sy eie korrupsie en groteske wanbestuur te verskuil, sal ook boaan die lys wees as sy nalatenskap eendag beoordeel word...