BELEGGINGSFOUT | Die vakansiehuis-flater

EK word dikwels gevra wat my grootste beleggingsfoute was. Ek het baie gemaak, maar vreemd genoeg was dit nie vanweë ’n swak aandeelkeuse in die mark nie, maar eerder die gevolg van sekere verhandelingsuksesse.

Soos in die vroeë 1980’s toe ek en my broers ná ’n goeie lopie in die goudmark besluit het om van die wins uit ’n familiebeleggingsmedium te neem en ’n vakansiehuis in Salt Rock aan die noordkus van KwaZulu-Natal te koop. Ek was een van vier broers. Drie van ons – ek, Harold en Ian – was getroud en het klein kinders gehad. Eric, die jongste, was nog ’n vrygesel.

Die huis was ’n salige kuseiendom met ’n lieflike panoramiese uitsig op die Indiese Oseaan. Dit was lugtig, ruim en ’n klipgooi van die strand. Vir vier stadsjapies was dit ’n ideale familiekuierplek om weg te breek van die gejaagde lewe in Johannesburg, en ons het dit heel gepas “HIDE Away” genoem (na aanleiding van Harold, Ian, David en Eric). As boekhouer van die familiebeleggingsmaatskappy het ek die rekenkundige en administratiewe verantwoordelikhede van hierdie nuwe onderneming aanvaar...