Die ongemak van kuns

CONRAD Botes het in April vanjaar by die Circa-galery in Johannesburg 'n uitstalling gehad. Einde Oktober vanjaar sou daar 'n gesamentlik uitstalling van dié kunstenaar en sy jare lange vennoot Anton Kannemeyer wees, asook die bekendstelling van 'n nuwe boek, The erotic drawings of Conrad Botes, en 'n sagteband-heruitgawe van Kannemeyer se boek The erotic drawings of Anton Kannemeyer.

Maar kort nadat hulle van die werke per e-pos aan die galery se Mark Read, seun van Everard Read, gestuur het, kry Botes 'n oproep van Read: Nee, hy wil nie meer die uitstalling van meer as 30 werke by Circa hê nie. Hy wil ook nie meer die twee boeke daar bekendstel nie. 

“Die rede was dat hy nie in die huidige politieke klimaat die uitstalling daar wou hê nie," vertel Botes. “Van sy senior personeellede – en dit is nie mense wat visueel geletterd is, of kuns gestudeer het nie; kantoorpersoneel – het gesê hulle gaan bedank as hy die uitstalling hou. En hulle sal elke dag voor die galery betoog.”..