Winnie en moeilikheid was van altyd af maats

UIT DIE ARGIEF

Winnie en moeilikheid was van altyd af maats

In 1991 moes Nomzamo Winifred Zanyiwe (Winnie) Mandela en sewe ander aangeklaagdes weens onder meer Stompie Seipei se moord in die hof verskyn. Sy was ongetwyfeld een van die mees omstrede akteurs op Suid-Afrika se politieke verhoog. Haar doen en late was altyd nuus. In dié profielartikel vir Vrye Weekblad van 8 Februarie 1991 het AUDREY BROWN probeer vasvang wat agter die ‘ystervrou’ se helder, onverstoorde blik gesit het.

  • 22 September 2021
  • Mense & Kultuur
  • 7 min om te lees
  • Artikel 7 van 10
  • Audrey Brown

NADAT sy die gebruiklike “amandlas" en “vivas" op die trappe van die Johannesburgse Hooggeregshof beantwoord het, stap Winnie Mandela met haar man aan haar sy deur die sekerheidshek, waar sy hoflik versoek word om haar handsak oop te maak. Sy doen dit sonder om te stry. Dis snaaks, want Winnie is nie een wat sommer maklik opdragte van polisiemanne uitvoer nie.

Sy is deftig geklee in 'n mosterd-en-vlootblou romp en baadjie, 'n glimlag op haar gesig terwyl sy na Hof4E stap waar sy en sewe ander verskyn weens aanklagte van menseroof en aanranding met die opset om ernstig te beseer. Die aanklagte spruit uit 'n voorval by haar huis in Diepkloof Extension in Desember 1988 waarin die 14-jarige Stompie Seipei dood is. Vier van haar medeaangeklaagdes verskyn nie saam met haar nie en niemand weet waar hulle is nie.

'n Groot groep ondersteuners en joernaliste sit reeds in die hof. Winnie gaan sit ook en begin onmiddellik met die drie ander aangeklaagdes, Xoliswa Falati en haar jong dogter Nompumelelo, en die middeljarige John Morgan, gesels. Hulle lag hartlik saam vir die stories wat Winnie vertel. Miskien klink die gelag net 'n tikkie te hartlik, dis moeilik om te sê...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.