‘Toe sê hulle die Bybel is ’n witmens-ding’

DIEGENE gesteld op titels het dit half ongemaklik met Frank Chikane. Want vir jare loop die “anderster Apistool”, soos een kerkleier hom noem, sonder titel. Tot onlangs toe.

Die Engelse koerante het verkies om hom “reverend” te noem – in Afrikaans “eerwaarde” – ’n titel wat gewoonlik beskore is vir predikante in die Engelse protestantse kerke, terwyl Chikane geskool is as predikant in die Apostoliese Geloofsending (AGS) se voormalige Swart Afdeling. Die AGS is tradisioneel onverdunde Pentekostaliste. Die titel “pastoor” sou meer gepas wees, as dit nie was vir ’n ekstra komplikasietjie nie.

Voor hy as hoofsekretaris na die SA Raad van Kerke is, is hy van sy titel as pastoor gestroop. Hy hou hom te besig met die politiek, was die rede wat die AGS verskaf het...