Die storie van Flip en die huisbesoek

FLIP FOSTER, may his soul rest in peace, was een van die tragiese karakters van ons dorpie. As jongman was hy in ’n motorongeluk waarin hy sy regterarm onder die elmboog verloor het. Hy het gedigte geskryf en kon diep stories gesels, maar drank het sy vrou en sinne en eintlik ook maar sy lewe gevat.

Flip had ’n plaas, so 50km buite die dorp. Hy het nooit regtig vorentoe kon gaan nie. Die drank het gemaak dat hy later so min bees op die plaas oor het dat hy nie meer die paar rand rente op die skuld kon betaal nie.

Dominee Conrad vra my een Saterdagmôre om saam te ry dat ons by ou Flip op die plaas kan gaan huisbesoek doen. Ons ry vroeg, want ons wil nog die WP kom luister die middag...