Om jou ’n renoster te verbeel

DIE Duitse filosoof Immanuel Kant het gereken ons kan nooit 'n objek self, das Ding an sich, ken nie, net die voorkoms daarvan, die manier waarop dit op ons sinne inspeel.

Die Franse skilder Magritte het 'n pyp geskilder met die woorde daarby: “Hierdie is nie 'n pyp nie." Want die woord is nie die ding nie en die kaart is nie die gebied nie. 

Dit laat my dink aan renosters. Op die rand van uitwissing het hulle simbole geword, verteenwoordigend van 'n bestaan wat ons nooit kan kleinkry nie. Dit was nog altyd so. Die idee van renosters het mense vanaf die vroegste tye aangegryp...