Om te skree en niemand luister nie

DAAR is ’n boef in ons buurt wat binne sekondes ’n elektriese motorhek van sy spoor af kan lig. Dan hol hy weg en kyk of iemand gesien het. As niemand uitkom nie en geen sirenes loei nie, glip hy vinnig by die oop hek in en gryp wat hy kan.

Hy is onder meer weg met die bure onder in die straat se twee baie duur stootwaentjies en die seuntjie oorkant die pad se fietsie. (Hy is ’n baie lang, maer man en die video van hom wat daai fietsie trap met sy knieë omtrent by sy ore is nogal vermaaklik.)

So anyway. Hy is nou minstens drie maal op ons sekuriteitskameras gevang en hy doen geen moeite om sy baie prominente, erg herkenbare gesig te versteek nie. En hy bly terugkom in die helder daglig. Drie keer in twee weke. 12:30. 11:25. 16:30. ..