Só versmoor ons klein ondernemings in hierdie land

DIE ambagsman Stuart Douglas bedryf al die afgelope 15 jaar ’n eksklusiewe houtmeubelbesigheid vanuit sy plaasateljee hoog op in die Franschhoek-vallei.

Sy klein onderneming, Douglas Built, het drie jaar lank nie ’n wins getoon nie, maar die omgewing was rustig en kollegiaal, en het Douglas in staat gestel om sy passie vir houtwerk uit te leef. Hy het ook aan agt werkers van die plaaslike township Groendal werk verskaf en hulle baie meer as die minimum loon betaal. Of dit was die geval tot einde verlede jaar, toe die Wes-Kaapse Meubelbedingingsraad in die prentjie verskyn het.

Wat gevolg het, was ’n 10 weke lange “nagmerrie” van burokratiese ingrypings wat die vertroue wat hy oor jare met sy werkers opgebou het, geruïneer het. Dit het boonop aan die einde van ’n finansieel moeilike jaar gebeur, met die finale slag toe Douglas almal net voor Kersfees uit diens moes stel...