Trump se WeChat-verbod kan SA pensioenarisse en beleggers se sak ruk

DONALD Trump se anti-China-sentiment klink dalk soos ’n probleem ver weg aan die ander kant van die wêreld, maar ongelukkig gaan dit waarskynlik ’n uitwerking op elke Suid-Afrikaanse pensioenaris of belegger hê, bloot omdat Naspers vir ons plaaslike mark belangrik is.

As jy nie die laaste tyd die nuus gevolg het nie: Amerika het verlede week sy visier gestel op die Chinese tegnologiereus Tencent, waarvan Naspers 31% besit en waaraan dié Suid-Afrikaanse maatskappy sy ongelooflike aandelemarksukses van die afgelope 19 jaar te danke het.

Die Trump-administrasie het aangekondig dat hy “mense en eiendomme binne Amerikaanse jurisdiksies” ná 45 dae sou verbied om “transaksies” met WeChat (https://www.nytimes.com/2020/08/07/business/trump-china-wechat-tiktok.html) en TikTok (https://www.nytimes.com/2020/08/01/technology/tiktok-trump-microsoft-bytedance-china-ban.html) te doen – albei Chinese apps. Naspers het onmiddellik die druk gevoel – sy aandeelprys het verlede Vrydag met 4.1% op die JSE gedaal voordat dit deels herstel het...