Begin van die ‘roaring 20’s’ kan SA verbygaan

INENTING IS KRITIEK

Begin van die ‘roaring 20’s’ kan SA verbygaan

Die tweede Covid-19-golf, onbeholpenheid met die verkryging van ’n Covid-entstof en sloerende groei dui op gedempte plaaslike ekonomiese herstel in 2021, skryf HUGO PIENAAR.

MENIGE Suid-Afrikaner het op 31 Desember sekerlik ’n sug van verligting geslaak en ’n glasie geklink dat 2020 binnekort iets van die verlede sou wees. Ongelukkig is die vroeë aanduidings dat die jaar 2021 nou nie juis vir Suid-Afrika nirvana gaan wees nie. Bloot op grond van tegniese basis-effekte behoort daar ná die historiese BBP-inkrimping in 2020 weer ekonomiese groei (jaar tot jaar gemeet) in 2021 te wees. Die presiese omvang hiervan bly egter hoogs onseker, veral aangesien die plaaslike herstelmomentum reeds vroeg in die nuwe jaar ’n paar terugslae gekry het.

’n Jaar van twee helftes

Die volgehoue herstel van die Suid-Afrikaanse ekonomie is deels afhanklik van wat in die res van die wêreld gebeur. Vir van ons vernaamste handelsvennote het die jaar ook op ’n suur noot begin. In plekke soos Duitsland (die bestemming vir 8% van totale plaaslike goedere-uitvoer in 2019) en Brittanje (rofweg 5% van uitvoer) geld daar nou redelike streng inperkingsmaatreëls vir minstens die res van Januarie, en moontlik langer. Verder is die coronavirus, en Donald Trump, steeds buite beheer in die VSA. In teenstelling bly die Chinese ekonomie ’n positiewe verhaal, met aanduidings van volhoubare, robuuste groeimomentum in die begin van 2021. Meer as 10% van Suid-Afrika se totale goedere-uitvoer is in 2019 na China verskeep...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.