POLITIEKE NOTABOEK | Op soek na ’n DA wat nie DA is nie

EK gaan later vanjaar wanneer Suid-Afrika plaaslike verkiesings hou my kruisie agter die Demokratiese Alliansie se kandidaat trek. Met lood in my hart en sooibrand in my maag.

Die DA kon die ideale politieke tuiste vir mense soos ek gewees het. 'n Sosiaal-demokratiese party met 'n visie vir 'n effektiewe en voorspoedige maar deernisvolle staat en werkbare planne om die ongelykheidsgaping te vernou; ’n party waar alle klasse, rasse, taalgemeenskappe, geloofsgroepe en streke kan tuisvoel.

Die DA wat ek tans ervaar, is egter 'n spul keffers, bitterbekke en aftakelaars by wie swart en bruin gematigdes ál minder tuis voel en dus ál witter word. Die visie wat wel in hulle dokumentasie gestel word, word oordonder deur 'n anti-ANC-, anti-EFF-, anti-De Lille-, anti-Mashaba-manie wat baie as 'n anti-swart-sentiment ervaar...