Stacey Abrams, Trump se moses

WENNER

Stacey Abrams, Trump se moses

Stacey Abrams-aanhangers sê sy’t die Amerikaanse verkiesing gewen sonder dat haar naam eens op die stembrief was. Kwaadpraters sê sy’s nes Trump omdat sy steeds nie wil toegee dat sy in 2018 ’n verkiesing verloor het nie. Behalwe dat sy daarna meer kiesers gaan soek het, nie meer stemme nie. Nou het haar verkiesingsaktivisme een van die belangrikste politieke wendings help bewerkstellig, skryf ANNELIZE VISSER.

IN November 2020 het Donald Trump die Amerikaanse presidentsverkiesing verloor. Hy het geweier om sy teenstander se oorwinning te erken en vir twee maande daarna gekerm, gekonkel en uiteindelik die afgelope week sy gepeupel aangehits om die Kongresgebou in Washington te bestorm.

Stacey Abrams het in November 2018 die kongresverkiesing in die deelstaat Georgia verloor. Sy hou steeds vol dat sy dié verkiesing eintlik gewen het, maar nie die werk gekry het nie. In die twee jaar sedertdien het sy haar beywer om kiesersonderdrukking deur die Republikeine, wat sy as die rede vir haar nederlaag beskou het, te beveg, en veral swart kiesers te oortuig dat hulle stem tel.

Nou word Joe Biden se naelskraapse oorwinning in Georgia, én die beslissende verkiesings die afgelope Dinsdag toe Raphael Warnock en Jon Ossoff die senaat in die Demokrate se guns laat kantel het, toegeskryf aan Abrams se vasberadenheid om kiesers in Georgia na die stembus te ontplooi...

Slegs Vrye Weekblad-intekenare kan hierdie artikel lees.

Teken nou in vir volle toegang tot alle Vrye Weekblad-inhoud.

Reeds ’n intekenaar? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe) of stuur 'n e-pos aan hulp@vryeweekblad.com.