ENIGE rugbyspannetjie wat halftyd na so ’n telbord moet kyk, sal aan hul lemoenskyfies verstik, aan die tjank raak en solank planne begin maak om volgende jaar sokker te speel. Dink dan net hoe dit staatsamptenare en ekonome uit die slaap gaan hou.

Nou hoekom is dit dan dat hierdie begroting – in die middel van ’n verlammende pandemie, en minder as ’n jaar nadat Suid-Afrika se skuld na rommelstatus afgegradeer is – die belastingbetaler tog hoop behoort te gee?

Die kort antwoord: Die kabinetslid wat die dokument laat opstel het, weet iets van boerdery. (Die langer antwoord kom later.)..