Tesla: ’n tirade met ongelukkige gevolge

IN November 2016 het ek die duurste konferensie van my lewe in New York bygewoon. Nie omdat die konferensie besonder hoog geprys was, of die feit dat dit ’n oorsese reis behels het nie … daar’s ietwat meer aan die storie as dit.

Die tema van die dag sal redelik droog klink vir enigiemand wat nie in die finansiële bedryf werk nie: Die fokus was naamlik op bewysgebaseerde beleggings, synde ’n benadering gegrond op empiriese navorsing en die langtermyn observasie van hoe markte funksioneer.

Soos met enige konferensie was daar enkele hoogtepunte, ’n paar vrotterige voorleggings, en heelparty bydraes wat grootliks vergetenswaardig was. Maar een sessie wat ek altyd sal onthou, was ’n gesprek tussen die befaamde beleggingsbeer Jim Chanos (na wie iemand eenmaal as die “LeBron James van kortverkope” verwys het) en die opkomende finansiële ghoeroe Patrick O’Shaughnessy...