Wees wakker wanneer jy brandstof ingooi

AS jou kar se enjin beskadig word omdat die verkeerde brandstof ingegooi is, behoort dit nie jou probleem te wees om vir die skade te betaal nie. Maar jy gaan dalk wel moet.

As die petroljoggie die verkeerde brandstof ingooi en nie een van julle twee kom dit agter voordat jy wegtrek nie, gaan jy nie vreeslik ver kom nie. As die kar eers hortend tot stilstand gekom het, gaan jy dit moet laat insleep om die petroltenk leeg te maak en daar gaan dalk enjinherstelwerk nodig wees.

Dit klink logies dat jy nie hiervoor behoort te betaal nie want dit was nie jou fout nie, maar hoewel daar sommige vulstasie-eienaars is wat verantwoordelikheid aanvaar en dadelik betaal, is daar ander wat vasskop. In sommige gevalle is hulle aanvanklik bereid om verantwoordelikheid vir die fout te aanvaar, maar dan minder gewillig om te betaal wanneer die rekeninge begin inrol...

Deel