Bedtekort: Dís wat die privaat sektor se hulp die openbare sektor gaan kos

DIS reeds meer as 100 dae sedert Suid-Afrika se eerste geval van Covid-19 bevestig is. Wat begin het as tientalle, toe honderde nuwe gevalle per dag, is nou al meer as 100,000, en die dodetal is meer as 2,000.

Die openbare gesondheidsektor het reeds plek-plek nie genoeg beddens nie. Die epidemiologiese modelle wat die regering gebruik, wys dat daar geweldige tekorte aan intensiewesorg-beddens gaan wees as die pandemie sy piek bereik. Daarom het die departement van gesondheid onderhandelings bespoedig om broodnodige beddens by die privaat sektor te “koop”. 

Hierdie onderhandelinge is alles behalwe eenvoudig, het Nicholas Crisp, 'n openbare gesondheidskonsultant in die departement en hoof van die kantoor vir die nasionale gesondheidsversekering, gesê. “Dis hoekom dit so lank vat. Dis nie omdat enige van die partye nie belangstel nie, maar net omdat dit so gekompliseerd is," sê hy...