1. Maak die nuwe variant mense sieker, en tas dit ander groepe aan as in die eerste vlaag?

Nee, sê prof. Salim Abdool Karim, voorsitter van die ministeriële advieskomitee oor Covid-19. Die nuwe variant hou ook nie ’n groter risiko van sterfte in vir enige spesifieke ouderdomsgroep nie. Dit veroorsaak wel groot druk op die gesondheidstelsel, en die tekort aan beddens kon tot meer sterftes gelei het.

Karim het ook ’n beroep gedoen dat die variant op sy naam genoem word: 501Y.V2 en nie “die Suid-Afrikaanse variant” nie...