Niemand ly aan outisme nie

DIT was 'n onsmaaklike voorval 'n paar weke gelede. 'n Outistiese 11-jarige seun en sy ma het by 'n vulstasie in Newcastle, KwaZulu-Natal, stilgehou. Die seun het dringend 'n badkamer nodig gehad, en omdat hy uiters gevoelig vir reuke is, wou hy nie die openbare badkamer gebruik nie.

Vir omstanders het dit dalk na 'n ongemanierde, onbeheersde en ongedissiplineerde stout kind gelyk wat toe sy klere in die openbaar uittrek en langs 'n motor urineer. Maar dit sou suiwer onkunde wees, soos die vulstasiebestuurder wat glo gevra (https://maroelamedia.co.za/nuus/sa-nuus/ma-vra-begrip-vir-outisme-na-vulstasie-voorval/) het of die reeds getraumatiseerde kind “reg in die kop" is en hom verder verneder het.

Ek is 'n ma van 'n seun van 23 wat 'n Asperger is. Dié term, wat verwys na outiste wat “hoogs funksionerend" is en genoem is na die Oostenrykse sielkundige en pediater Hans Asperger, het in onbruik geraak en daar word eerder na mense op die “outistiese spektrum” verwys. Maar “outisme" is steeds 'n gelaaide term wat baie mense ongemaklik laat voel – en hulle onkunde daaroor vererger die ongemak...

DEEL