Covid in Taiwan: van pandemie-suksesstorie tot die Lion King, ...

SELFVOLDANE BORREL BARS

Covid in Taiwan: van pandemie-suksesstorie tot die Lion King, sexy tee, en China

Maande lank was Taiwan die groot suksesstorie in die wêreldwye pandemie, maar die kaartehuis het skielik in April inmekaargetuimel. Wat het skeefgeloop voordat die skip weer op koers gebring is? HENNIE MALAN skryf oor die entstofoorlog met China, 'n gebrek aan komplotters en groot, magtelose hartseer.

’n VOLLE 253 dae lank was als net mooi dooddollies hier in Taiwan. Daar was ’n aura van selfvoldaanheid in die lug. Male sonder tal was die trant van die meeste aanknopingsgesprekke in restaurante en by huispartytjies in Taipei: “Is ons nie gelukkig om juis nou in Taiwan te wees nie? Ek wil nie nou in Suid-Afrika (of watter land ook al jou herkoms is) wees nie.”

Ons expats hier het saam met ons maskervoos families en vriende by die huis asem opgehou soos die Covid-19-syfers skrikwekkende afmetings in ander lande aangeneem het. Maar sodra ons ons koebaais oor die foon gesê het, het ons hier in ’n bykans Covid-19-vrye Taiwan sorgvry aangegaan, sonder enige grendeltye en aandklokke. Ons was op kantoor, aan die oefen in gims, en dan weer uit vir nog ’n lekker kuieraand by ’n gunstelingrestaurant – met ’n selftevrede klop op die skouer, want Taiwan was die virus een voor.

Wie in daardie stadium eintlik ’n klop op die skouer moes kry, was ’n baie parate Taiwannese regering. Gesondheidsowerhede hier het die versiendheid gehad dat iets groots aan die kom is met die eerste geluide oor ’n uitbreking van ’n Sars-tipe-virus in Wuhan, China. Met die harde lesse van die die Sars-epidemie van 2003 nog vars in die geheue, saam met ’n diepgesetelde wantroue van ’n bullebak-moondheid aan die ander kant van die Straat van Taiwan, wou Taiwan nie wéér onkant gevang word nie sou daar waarheid steek in die gerugte van ’n nuwe dodelike virus. Sars het ook laas in China uitgebreek...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.