MY oupa Hans het tabak gesnuif. Met groot omhaal sou hy sy silwersnuifblikkie uit sy baadjiesak haal en dan ’n knippie snuif op sy groot, growwe duim se kneukel sit en dit diep in sy harige neusgat optrek. Dan kom die volgende neusgat aan die beurt. Soms is dit gevolg deur ’n rammelende boere-nies. Dan wikkel hy sy sakdoek uit om twee keer oor sy neus te vee. 

Ek het geboei na die ritueel gesit en staar en gegril.

Baie keer het stukkies snuif op sy bolip of net onder sy neusgat bly sit. As dit dan tyd was vir ’n koebaai- of hallosoen het jy dit maar met styf toegeknypte oë gedoen en vinnig jou mond afgevee. ..