Depressie: MOENIE die pille weggooi voor jy hier gelees het nie!

“THE serotonin theory of depression: a systematic umbrella review of the evidence” deur prof. Joanna Moncrieff, senior kliniese lektor in psigiatrie, en dr. Mark Horowitz, kliniese navorsingsgenoot in psigiatrie, is ’n sambreeloorsig van 17 ander wetenskaplike studies wat die sogenaamde serotonien-teorie van depressie bevraagteken. Kan jy die belangrikste bevindinge toelig?

PS: Ten eerste moet mens noem dat daar geen algemeen aanvaarde “serotonien-teorie van depressie” is soos die titel van die studie wil aandui nie. Daar is wel ’n monoamien-teorie van depressie wat handel oor die rol van die hormone serotonien, dopamien en noradrenalien in depressiewe siekte.

Daar is baie min wetenskaplikes of psigiaters wat ernstig glo dat hierdie teorie die enigste of selfs belangrikste verklaring vir depressie bied. Dit bied hoogstens ’n verklaring vir ’n element van depressie of ’n verklaring vir sekere pasiënte se depressie...