Gifsentrum sê ivermektien het sy tol geëis

DIE gebruik van die anti-parasitiese middel ivermektien om Covid te voorkom of behandel het gelei tot ’n ongekende sprong in die aantal gevalle van vergiftiging in Suid-Afrika. Die Wes-Kaapse gifhulplyn het 12 keer meer gevalle as die gemiddelde aangemeld in die eerste jaar van die pandemie.

’n Studie deur die Universiteit Stellenbosch wys dat die hulplyn in die vyf jaar voordat die pandemie uitgebreek het ’n “onbeduidende" aantal gevalle van ivermektienvergiftiging aangemeld het, en van Junie 2020 af het die gemiddelde aantal maandelikse oproepe daaroor van 0.3 tot 3.5 gespring.

Van omtrent 70 gevalle wat aangemeld is, meestal deur mediese noodpersoneel van oor die hele land, was meer as die helfte (54%) Covid-verwant. In 41% van die gevalle was die rede vir blootstelling aan ivermektien onbekend. In twee gevalle was dit nie Covid-verwant nie en twee gevalle was kinders wat dit per ongeluk ingeneem het...