Klubhuis | ’n Budjie met ’n pluiskeil vir Antjie

EK IS, JY IS

Klubhuis | ’n Budjie met ’n pluiskeil vir Antjie

Antjie Krog het by die Tuin van Digters – grasieus en respekvol – bontgestaan vir foto's saam met lesers, skryf LORAINE STANDER.

  • 28 Oktober 2022
  • Klubhuis
  • 2 min om te lees
  • Artikel 23 van 29
  • Loraine Stander

ALMAL wat my ken, weet ek is ’n moerse Antjie Krog-fan. Selfs  Antjie weet dit. Ek kan nou nie uit haar oeuvre aanhaal soos baie ander mense nie, maar wat sy skryf, maak vir my sin. Behalwe die god-gedigte. Ek staan vir niks. Ek wens ek kon my geloof behou het soos sy, maar helaas ... Nietemin, ek sou die naweek van die Tuin van Digters in Wellington begin Oktober vir niks mis nie, juis omdat dit Antjie se huldiging was.

Ek en my geliefde beplan om vooraf te eet, so min as moontlik iets te drink en soveel as moontlik van hierdie naweek te geniet. Ons het selfs padkos ingepak vir Saterdag, want ai, die keuses is beperk, ongesond en kakduur! En wat 'n mooi huldiging het die Mengelmoes Digters en Frieda van den Heever nie gedoen aan haar nie. Om nie eens te praat van die verruklike woorde en musiek van Catherine du Toit en José Dias nie. Dit het gevoel asof ek swymel aan die klanke van woord- en musiekmeesters.

Vir daardie aantal ure was ek weg voor. Maar ek moet sê, ek het vir Antjie jammer gekry. Sy was so onbeskermd in die kollig vir iemand wat so privaat lewe. Ek dink nie daar is genoeg wyn in die wêreld om mens voor te berei op hierdie tipe lit-crush wat almal op haar het nie. Sy het natuurlik grasieus en respekvol aan elkeen hul tyd gegun om te sê hoe hulle voel en ’n selfie te neem. Ek veronderstel, sê  my geliefde, dis erger as niemand opdaag nie en niemand ’n fok omgee nie...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.