WOENSDAG MET WILLEM
Dalk moet ons die ANC maar vir nog ’n klompie jare duld
WILLEM KEMPEN weet nie of dinge sal ophou om verder agteruit te gaan as die ANC ná volgende jaar se verkiesing nie meer nasionaal in beheer is nie.
Hierdie deel van VWB se daaglikse inhoud is veronderstel om 'n bietjie ligter in trant te wees, so vergewe my maar as ek daarvan afwyk. Die ding is, ek kan nie help om te wonder of dit regtig beter kan gaan die dag as die ANC nie meer alleen die land regeer nie – dis nou as daardie dag hoegenaamd 'n werklikheid word.
Ek weet nie eens of dinge selfs net sal ophou om verder agteruit te gaan as die ANC ná volgende jaar se verkiesing nie meer nasionaal in beheer is nie. Ek weet nie of die vrot in ons wortels nog vlak genoeg lê om uitgesny te kan word nie.
Dalk is daar 'n bietjie meer hoop daar in die suide van die land, maar hier in die noorde is die kans goed dat die ANC ook op plaaslike vlak deur 'n selfs vrotter spul vervang gaan word.
Met “vrotter" bedoel ek 'n party wat selfs minder omgee vir die groot gros van die land se mense wat elke dag in desperaatheid voortploeter.
Met “vrotter" bedoel ek 'n party vir wie dit selfs minder belangrik is as vir die ANC dat bekwame mense aangestel word wat organisasies kan bestuur, wat infrastruktuur in stand kan hou, wat begrotings kan laat klop, wat selfdienende vakbonde in die bek kan ruk, wat met slim nuwe maniere vorendag kan kom om oplossings te soek.
Met “vrotter" bedoel ek 'n groep wat nóg minder as die ANC omgee vir die verskil tussen ware regstellende aksie en die blote uitdeel van lonende poste aan partylojaliste.
Waar gaan 'n nuwe nasionale regering begin met die proses om van almal ontslae te raak wat nié al hierdie dinge kan of wil doen nie? Hoe gaan so 'n party ontslae begin raak van die munisipale bestuurders of tesouriers of direksielede of boekhouers of generaals of rektore of al die ander wat hulle werk net het omdat hulle help kyk na die belange van iemand hoër op?
Miskien is daar tog iets te sê vir 'n soort “groot koalisie" tussen die ANC en die DA, waar die een kan shine vang en nuwe wette uitdink, en die ander een die werk doen, en waar Julius Malema iewers op die kantlyn kan aanhou om alles op te EFF wat oor sy pad kom.
Met 'n bietjie geluk sal ons dan ook nie meer hoef te sien hoe 'n Cyril Ramaphosa (of 'n Paul Mashatile) en 'n John Steenhuisen (of 'n Roger Jardine, as ons nou regtig die fantasie vrye teuels wil gee) uit hulle onderskeie helikopters vir mekaar waai wanneer hulle oor 'n Richardsbaai vlieg om te sien hoe groot die ramp is en wie daarvoor blameer kan word nie.
Van Jardine gepraat: Die goeie nuus is dat daar nou iemand op die politieke toneel opgedaag het met nog minder name recognition as die Multiparty Whatever. Ek vermoed selfs die meeste DA-lede het nie 'n clue wie hy is nie...
Thank you
Why not a meadow?
Why not a little clearing and a stream
to wade in? Why not take our pants off,
a little respite from our partners
who couldn’t see us, who’d never see us
no matter what we did? What we did was wrong,
the way we did it. It was miraculous,
it took hold long after
we trudged back to our spouses.
So many years harboring a secret.
Thank you for telling me
about growing up in Queens, daddy’s
milk truck skittering about Northern Boulevard
looking for your favorite ice cream.
And the darkness: how shades were drawn,
how your mother would never recover
from your father. How many of us
have been stymied by those early dramas
until we married them? So many years,
so many hungry years after.
Thank you for the apricots in the mail,
thank you more for appearing at my door
with so little time left: no going back
to field our regrets. Old
as we are, you are here and now,
why not a meadow and a clearing?
- Ira Sadoff
♦ VWB ♦
NEEM DEEL AAN DIE GESPREK: Gaan na heel onder op hierdie bladsy om op hierdie artikel kommentaar te lewer. Ons hoor graag van jou.
Willem Kempen is ’n hoofredaksielid van Vrye Weekblad. Hy is ook ’n voormalige redakteur van Finweek.
Om kommentaar te lewer op hierdie artikel, registreer (dis vinnig en gratis) of meld aan.
Lees eers Vrye Weekblad se Kommentaarbeleid voor jy kommentaar lewer.