‘Gewone mense durf hulle nie losmaak van ons demokrasie se toekoms’

DAAR is algemene instemmigheid onder meningsvormers dat Suid-Afrika se demokratiese instellings en die Grondwet vandag in baie meer onsekerheid gehul sou gewees het as dit nie vir ondersoekende joernaliste was nie. Ek het met Qaanitah Hunter, bekroonde politieke redakteur van News24, gesels oor Who will rule South Africa? The demise of the ANC and the rise of a new democracy, die boek wat sy saam met die gesoute redakteur Adriaan Basson geskryf het.

Hunter  wys daarop dat dit hoofsaaklik 'n ontleding is van inligting wat in die openbare domein beskikbaar is, eerder as die resultaat van ondersoekende joernalistiek.

Hoewel baie meningsvormers en beleidsontleders tot ander gevolgtrekkings as Basson en Hunter kan kom, is die boek 'n waardevolle hulpbron om 'n insiggewende begrip van Suid-Afrika se kompleksiteite te kry. Dit slaag skitterend daarin om uiteenlopende gebeure met mekaar te verbind, patrone te identifiseer en 'n omvattende prentjie te skets van kwessies wat sommige van ons lankal vermoed of gevrees het...