DIS verstommend hoe vinnig jy ’n skare trek as jy ’n man in ’n ruimtepak verfilm wat tussen stomende en borrelende modderpoele probeer maak of hy byna gewigloos oor die maan se oppervlak bons. Dis presies wat ons heeltemal teen ons sin regkry by Hverarönd in die hartjie van ’n Arktiese woestyn in die noorde van Ysland, waar ons ’n kort dokumentêre program en multimediastorie vir die BBC se reisafdeling skiet.
Omring deur fumarole waaruit stoom, gas en kleurvolle modder teen kookpunt borrel met geen plantegroei in sig nie, is dit ’n buiteaardse prentjie wat ons probeer skep, maar met so baie toeriste blaas ons ’n taktiese aftog van die selfiebehepte agies en wyk uit na die Hrossaborg-krater. Dis hier waar Tom Cruise sy 2013 post-apokaliptiese fliek Oblivion geskiet het. Die krater bied aan ons algehele privaatheid, want die pad is gesluit weens ’n yslaag van ’n halfmeter diep. Geen toeris sien kans om saam met ons in die windkoue van -20˚ C vir oor ’n uur daarheen voet te slaan nie.
“Ons is van ons koppe af,” mompel Werner Hoffmann, ons kameraman, van onder sy dik baard. Asof ek dit nie self weet nie. Die vorige aand het ons so byna van ’n gletser bo op 'n berg gegly in ’n poging om ’n skoot te kry van die maan wat oor Ysland se rotsagtige landskap opkom. Toe het ek al geweet ons is goed gek, of, in dié geval: Lekker met die maan gepla...
Registreer gratis om hierdie artikel te lees.
Hallo! Welkom by Vrye Weekblad. Ons inhoud is nou in Afrikaans én Engels beskikbaar.
Al wat jy hoef te doen om gratis te begin lees, is om met jou e-pos te registreer en ’n wagwoord te skep.
Om dit te doen, kliek eenvoudig op “REGISTREER”.
Reeds geregistreer? Kliek op “MELD AAN” om voort te gaan.
Vir nuwe VWB 3.0-navrae: WhatsApp 071 170 8927 (net vir teksboodskappe) of stuur 'n e-pos aan hulp@vryeweekblad.com.