Soos ’n Gert in dorre streke

KUIERGATE VAN DIE COOL KIDS

Soos ’n Gert in dorre streke

Jy’t dalk nog nooit Gert Schoonraad se naam gehoor nie, maar as jy selfs net ’n greintjie cool in jou het, was jy beslis al in een van sy restaurante of kuierplekke in Johannesburg. BIBI SLIPPERS ontmoet die meesterbrein agter die Goudstad se gunsteling-kuiergate.

DIE storie oor die renaissance van Melville se hoofstraat begin met albasters en foosball-tafels. Dis ’n storie oor 11 soorte gin, ’n meisie wat uit die dak op ’n dansvloer val, hot dogs en sosiale integrasie, rum en rumoerigheid. Dit loop ’n draai deur Hatfield, Linden, Greenside, Braamfontein en keer terug Linden toe voor ons uiteindelik in Melville uitkom, voor die skuifdeur van Romeos, die week oue kuierplek in Main Road wat die belofte inhou om die hele straat te help ophef.

Dis nog ’n kepie op die kerfstok van Gert Schoonraad, die een mens wat al die uiteenlopende drade van die storie van die beste kuierplekke in die Goudstad laat saamloop en sinmaak.

Gert het ’n skynbaar bonatuurlike gawe om die Next Big Neighbourhood te identifiseer en die Next Big Trend te sien aankom voor dit tref. Hy het hierdie instink al verskeie kere gebruik om een of ander vervalle gebou in ’n onwaarskynlike ligging te transformeer tot die soort kuierplek wat in die annale opgeteken word as Dié Plek Waar Dinge Daardie Jaar Gebeur Het: Die eertydse Gin in Greenside, die Braamfontein-staatmaker Great Dane, en Linden se aanloklikste bymekaarkomplek, Brian Lara...

Slegs Vrye Weekblad-intekenaars kan hierdie artikel lees.

Teken nou in vir volle toegang tot alle Vrye Weekblad-inhoud. Daar is ’n spesiale tarief vir pensioenarisse.

Reeds ’n intekenaar? Kliek “Meld aan” om voort te gaan

Het jy ’n intekenbewys? Gebruik dit nou.

Vrae of probleme?
E-pos hulp@vryeweekblad.com of skakel 0860 52 52 00.

X