BLOU krale lê rondgestrooi oor die Nguni-mat. Elders op die betonvloer peul uitrustings uit swart en grys kledingsakke. Van blou tullestof, vere en koeivelpatrone tot by die kralewerk op rompe en korsette, onthul elke sak 'n skepping wat selfs spoggeriger as die vorige een is. 

Ons kuier op die mode-ontwerper Gert-Johan Coetzee se familieplaas naby Koster in Noordwes. 'n Paar honderd meter verder wag 'n trop koeie wat vir hierdie fotosessie aangetree is. Die koeie is nie net ekstras nie, hulle is 'n integrale deel van die dag. Hulle is trouens die inspirasie vir die ontwerper se jongste reeks.  

Van sy aksentlose Engels sou jy nooit raai dat Gert-Johan van 'n klein Afrikaanse plaasdorpie kom nie – totdat hy “ag shame" sê, wat hy gereeld doen. ..

DEEL