EEN blok van Martelize en haar Marius se huis af, naby ’n gunsteling-kuierplek van hulle, Laborie, draai ek in Picardiestraat af. Voor my steek die Taalmonument uit.

Dis nou al lank wat ek Martelize Brink, aanbieder op RSG se middagprogram, Driesestig, se lekkertes op Instagram sien: vis, steak, lemoenkoek, gerookte hoender, gebraaide slaaiblare oor vuurwarm kole (gebraai met olyfolie, sout, peper, suurlemoensap, appelasyn). Sy het reeds ’n kookboek op haar kerfstok, Martelize kook! Jy’s genooi en hierna het sy gesweer nooit weer nie. So hoe dan nou?

“Ja skat, ek skryf al weer ’n kosboek. Sy voorlopige titel is Martelize braai."..