Hoenderpastei met hasies op, of spinasie-fillo in ’n broodpan

NOU die dag kry ek weer Ius vir regte egte pastei, en wonder oor die armsalige poliesman wat ek gereeld in die tou sien staan by die smerige kafee. Hy wag gedwee vir sy middagmaal van paai en coke.

Pity the poor pleeceman, hy kry seker net regte pastei as hy Krismis by sy skoonma gaan eet of dalk dink hy daardie klei-pasteie met die sooibrandvulsel is hoe pastei maar smaak.

'n Keurig gebakte pastei is 'n plesier en 'n kunswerk. Jy het 'n groot keuse van vulsels, van die klassieke hoender-en-ham, korrek gegeur met witwyn en lourierblare, die romerige sous verdik met eiersago, tot 'n outydse wildspastei wat jy voorsit met kweperjellie en geelrys en rosyne...