Druk beesstert in die pot en sê tjeers op nog ’n jaar!

JY sukkel om dié tyd van die jaar jou bearings te kry. Dis net Krismis voor en Krismis agter. Maar daar moet nog baie water in die see loop voordat jy (as jy gelukkig is) jou tasse kan pak en kan laat waai met daai vakansie.

Maar die jaar is amper oor en verby. (Dankie tog!) Byt dus vas, gaan kombuis toe en sit die pot op die stoof vir 'n outydse gereg met 'n geur wat die hele huis daglank deurtrek. 

In die Fynproe-rubriek van 19–25 Junie 1992 skryf Nettie Pikeur: “Ek het nog nooit gebodder om vir iemand 'n resep vir beesstertbredie te gee nie. Almal kan dit mos maak? Maar toe ons nou die dag lus het vir iets warms, rooiwynagtig, met rys, daag vriend Lilla op met 'n groot pak beesstert. Sy sê sy gee nie om wanneer ons lus het om dit te maak nie, maar nommer een, sy wil genooi word, en nommer twee, sy wil nie kou tot haar kake lam word nie – dis hoe haar oorle ma dit altyd gemaak het (Ingels van inbors, sien, en dit was altyd so valerig.) Ek maak plegtig albei beloftes."..

Deel