POLITIEKE NOTABOEK: Van vier metro’s bly net Kaapstad vir die DA oor

EN daar kla die DA én die EFF steen en been dat Johannesburg nou weer aan die plunderaars oorhandig is. Nou hoe het dit dan gebeur? Ek sukkel om nie net ’n bietjie leedvermakerig te wees nie.

Die DA het die stad sedert 2016 in 'n ongemaklike alliansie met die EFF bestuur. Toe verkies die DA vir oudleier Helen Zille as federale voorsitter, en burgemeester Herman Mashaba bedank saam met sy leier, Mmusi Maimane. Dit kon nie onverwags gewees het nie, want Mashaba het vooraf gesê hy kan nie saam met Zille in 'n magsposisie in die DA wees nie.

Boonop het minstens twee van die DA se raadslede skelmpies vir die ANC se burgemeesterkandidaat, Geoff Makhubo, gestem en sodoende seker gemaak hy wen...