Dié media deel in skuld van skade wat aan persvryheid gedoen is

JOERNALISTE het met die koms van sosiale media rolle ingeneem wat verder strek as dié van die tradisionele verslaggewer.

So byvoorbeeld kloof die briljante ondersoekende joernalis Pauli van Wyk nie net die politieke korrupsie van die EFF en die regerende party tot op die been oop nie, sy is ook in vuurwarm bekgevegte betrokke met Julius Malema en Floyd Shivambo op Twitter.

Die stryd om die werklikheid en die waarheid woed voort in diverse media en op ’n kompleksiteit van platforms. Dit is nie meer net die feite wat die praatwerk doen nie; innuendo, ad hominem-aanvalle en suggesties karteer iets baie persoonliks aan die wedersydse ervaring tussen joernaliste en die objekte van hul werk...