Covid-19: Die groot Britse flop

DONKERSTE UUR

Covid-19: Die groot Britse flop

Terwyl Brittanje die einde van die Tweede Wêreldoorlog in Europa 75 jaar gelede vier, is daar nie genoeg om die aandag af te lei van die klaaglike hantering van die pandemie deur premier Boris Johnson se regering nie, skryf ADRI KOTZÉ.

AS daar een ding is waarvan die Engelse báie hou (behalwe vir warm bier drink, in ordelike rye staan en op oorbetaalde sokkerspelers skree), is dit 'n straatpartytjie. Met rye bont vlaggies aan toue oor strate gespan en bure wat saam aan lang tafels driehoek-toebroodjies en pasteie en skons en sponskoek eet. En tee drink, of Pimms of bier. Alles die werklikheid in stereotipe 3-D.

Dis 'n tradisie wat in 1919 begin het as deel van die vredesvieringe ná die Eerste Wêreldoorlog, toe kinders wat honger gely en erg swaargekry het ná die Spaanse Griep getrakteer is.

Deesdae word die straatparty-vlae veral afgestof om koninklike troues en VE-dag te vier, die dag wat die Britse en Geallieerde magte Duitsland se oorgawe in die Tweede Wêreldoorlog aanvaar het. Op 8 Mei 1945 het Winston Churchill om drieuur die middag op die radio aangekondig die oorlog in Europa is oor. Oor die land heen het mense die strate ingestroom om fees te vier. Koningin Elizabeth, toe nog 'n prinses, en haar suster Margaret was onder die feesgangers...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.