Vyf lesse wat SA uit Covid-19 geleer het

SOOS wat ons stoei met die pynlike proses om die ekonomie te heropen terwyl ons infeksiekoers aanhou styg, is daar minstens vyf lesse wat ons tot dusver uit die pandemie kon leer.

Die eerste een was dadelik duidelik: hoe belangrik dit is om buffers te hê, en dat jy die “dak moet regmaak voor die reën kom", soos die goewerneur van die Reserwebank, Lesetja Kganyago, gesê het.  

Aan die begin van die wêreldwye finansiële krisis in 2008 het Suid-Afrika 'n fiskale surplus en min skuld gehad, inflasie was binne die teikenband en die banke was goed gekapitaliseer. Dit het beteken al drie buffers – monetêre en fiskale beleid en finansiële stabiliteitsbuffers – kon tegelyk ingespan word.   ..