Glenda Gray: Heksejag van die groot ego’s

SIT op jou plek, bly stil en stem saam met alles wat jou pa vir jou sê, anders kry jy ’n pak slae. Dit is in wese wat die minister van gesondheid en die Suid-Afrikaanse Mediese Navorsingsraad (MNR) gedoen het met prof. Glenda Gray, wat nogal die president van dié raad is.

Jy is “verkeerd”, en “misleidend”, het hulle gesê nadat News24 (https://www.news24.com/SouthAfrica/News/unscientific-and-nonsensical-top-scientific-adviser-slams-governments-lockdown-strategy-20200516) ’n onderhoud met Gray gepubliseer het. In dié onderhoud het sy onder meer gesê sekere maatreëls van die nasionale inperking is “onsinnig en onwetenskaplik”.

Ons bevind ons tans in ’n omgewing wat ruik na outokratiese patriargie waarin kenners en doodgewone landsburgers soos stout kinders behandel word. Ons sal besluit wat julle drink, wat julle mag aantrek en of julle mag rook of nie. En jy mag nie uitpraat nie. Individuele opinies is “onprofessioneel en oneties”...